തിരുവനന്തപുരം: വാണിജ്യ നികുതി വകുപ്പില്‍ 2016 17 സാമ്പത്തിക വര്‍ഷത്തെ വാര്‍ഷിക റിട്ടേണും ക്ലോസിംഗ് സ്റ്റോക്കും സമര്‍പ്പിക്കാനുളള തീയതി ജൂണ്‍ 15 വരെ നീട്ടി. ജി.എസ്.റ്റി നികുതി സമ്പ്രദായം നടപ്പാക്കുന്നതിനാല്‍ 2016 17 സാമ്പത്തിക വര്‍ഷത്തെ വാര്‍ഷിക റിട്ടേണും ക്ലോസിംഗ് സ്റ്റോക്കും സമര്‍പ്പിക്കാനുളള തീയതി ജൂണ്‍ 15 ന് ശേഷം നീട്ടില്ലെന്ന് വാണിജ്യ നികുതി കമ്മീഷണര്‍ അറിയിച്ചു. ഇതിനു മുമ്പ് വാര്‍ഷിക റിട്ടേണും ക്ലോസിംഗ് സ്റ്റോക്കും സമര്‍പ്പിക്കാത്ത വ്യാപാരികളില്‍ നിന്ന് നിയമപ്രകാരമുളള പിഴ ഈടാക്കുകയും ക്ലോസിംഗ് സ്റ്റോക്ക് ശൂന്യമാണെന്ന് കണക്കാക്കി തുടര്‍ നടപപടികള്‍ സ്വീകരിക്കുകയും ചെയ്യും.