ക്ഷേത്രശാസ്ത്രത്തിന്റെ മുഖ്യഭാഗമാണ്  ബലിക്കല്ലുകൾ.  അവയിൽ അറിയാതെ ചവിട്ടുവാനുള്ള സാധ്യത വളരെ കൂടുതലാണ്.  അങ്ങനെ സംഭവിക്കുമ്പോൾ അറിയാതെ ചെയ്തുപോയ തെറ്റിന് ക്ഷമാപണമായി അതിൽ വീണ്ടും തൊട്ട് കണ്ണിൽ വയ്ക്കുന്നതാണ് സാധാരണ കണ്ടുവരുന്നത്.  ഒരു കാരണ വശാലും അങ്ങനെ ചെയ്യരുത്. ബലിക്കല്ലിൽ ചവിട്ടുന്നത് തെറ്റായിരിക്കെ അതിൽ പിന്നെ തൊട്ട് ശിരസ്സിൽ വയ്ക്കുന്നത് അതിലും വലിയ പാപമാണെന്നാണ് വിശ്വാസം.

കാരണം ദൈവ ചൈതന്യത്തിന്റെ മൂർത്തികളായാണ് ശ്രീകോവിലിനു ചുറ്റും സ്ഥാപിച്ചിരിക്കുന്ന ബലിക്കല്ലുകളെ സകൽപ്പിച്ചിരിക്കുന്നത് . ഇങ്ങനെ സ്ഥാപിച്ചിരിക്കുന്ന ബലിക്കല്ലിൽ നിന്നും  മറ്റൊരു ബലിക്കല്ലിലേക്ക് ശക്തി നിരന്തരം പ്രവഹിച്ചുകൊണ്ടിരിക്കാം. ഇങ്ങനെ ചുറ്റിക്കൊണ്ടിരിക്കുന്ന ശക്തി മുറിയാൻ ഒരിക്കലും ഇടവരരുത്  എന്ന വിശ്വാസത്തിലാണ് ബലിക്കല്ലിൽ ചവിട്ടരുതെന്നും ശേഷം തൊടരുതെന്നും പറയുന്നത്. ക്ഷേത്രങ്ങളിൽ ബലിക്കല്ലുകൾ സ്വർണം, വെള്ളി, ചെമ്പ് തകിടുകളാൽ പൊതിഞ്ഞും കാണാം.